Төрийн зарим үйлчилгээг цахимд шилжүүлжээ
“Ковид-19” цар тахлаас урьдчилан сэргийлэх зорилгоор Дорноговь аймгийн ЗДТГ-аас төрийн үйлчилгээг цахимд шилжүүлээд байна.
Энэ оны хагас жилийн байдлаар нийгмийн даатгалын таван үйлчилгээ, нийгмийн халамжийн 11 үйлчилгээг цахимд шилжүүлжээ.
Ингэснээр цаг хугацаа, хөрөнгө мөнгийг хэмнэхээс гадна халдварт өвчнөөс урьдчилан сэргийлэх алхам болж байгаа талаар албаныхан мэдээлэв.
Дорноговь аймаг хилийн бүсийн аймаг бөгөөд Замын-Үүдийн боомтоор манай улсын гадаад худалдааны 80 гаруй хувь нь нэвтэрдэг учир тус боомтыг “Ногоон бүс” болгох бодлогыг Засгийн газраас баримталж байна.