Дорноговь аймгийн ЗДТГ-аас “Нээлттэй Дорноговь” зорилтот жил, говийн ноён хутагт Лувсанданзанравжаагийн мэндэлсний 220 жилийн ойн хүрээнд "Эгшиглэнт говь" сум сурталчлах соёлын өдрүүд үйл ажиллагааг аймгийн хэмжээнд зохион байгуулж байна.

2023 оны тавдугаар сарын 6-нд Айраг сумын Соёлын өдрөөр эхэлсэн үйл ажиллагаа зургаадугаар сарын 18-нд Эрдэнэ сумын Соёлын өдрөөр өндөрлөнө.

Соёлын өдрүүдээр тухайн сум өөрийн нутгийн онцлог байдал, аж ахуй нэгжийн танилцуулга, гар урлал соёлын үйлдвэрлэлийг олон нийтэд таниулан сурталчилж, урлагийн тоглолт зохион байгуулж байна.