Дорноговь аймгийн Сайншанд сумын ЗДТГ-аас ОНХС-ийн санхүүжилтээр 2023 онд 960 гаруй сая төгрөгийн бүтээн байгуулалтын ажил хийхээр төлөвлөжээ. Тухайлбал, гэр хороололд гэрэлтүүлэг нэмэгдүүлэх, “Тэрбум мод”-ны үндэсний хөдөлгөөний ажлын хүрээнд модны суулгац худалдан авах, гудамж, талбайд ангилан ялгах хогийн сав хийж байрлуулах, өрхийн эрүүл мэндийн төвүүдэд эрүүл мэндийн мобайл технологи нэвтрүүлэх, гэмт хэргээс урьдчилан сэргийлэх ажлын хүрээнд шаардлагатай байршилд камер суурилуулах, "Манай орц" зэрэг ажлыг гүйцэтгэх аж.