ДОРНОГОВЬ: 76 айлын орон сууц барина
Даланжаргалан сумын ЗДТГ-аас сумын төвд төвийн дулаан, инженерийн шугам сүлжээнд бүрэн холбогдсон гурван давхар 76 айлын орон сууцны барилгыг барьж ашиглалтад оруулахаар төлөвлөжээ.
Барилгын бүтээн байгуулалтын инженер судалгааны ажил дуусч зураг төсвийн ажлыг эхэлсэн бөгөөд захиалагчидтай гэрээ байгуулан эхний 38 айлын барилгыг энэ оны 11 дүгээр сард багтаан ашиглалтад оруулахаар төлөвлөн ажиллаж байна.
Сумын төвд шинэ орон сууц барьснаар нутгийн иргэдийн тав тухтай орчинд амьдрах боломж нөхцөл сайжрахын сацуу шилжин ирж буй хүмүүст ч тохилог орчинд амьдрах боломж гарч байна хэмээн сумын ЗДТГ-аас мэдээлэв.