Монгол Улсын Засгийн газраас “Сумын хөгжил, инженерийн дэд бүтцийн хангамж” төслийг 19 аймгийн 59 сумын төвд хэрэгжүүлэхээр болсон. Энэхүү төсөлд Төв аймгийн Батсүмбэр, Жаргалант, Борнуур, Баянчандмань, Угтаалцайдам, Эрдэнэ, Сэргэлэн сумд хамрагдахаар төлөвлөгдсөн. Уг төслийн хүрээнд Барилга, хот байгуулалтын сайд Б.Мөнхбаатар, БХБЯ-ны Нийтийн аж ахуйн бодлогын хэрэгжилтийг зохицуулах газрын дарга Г.Цогтсайхан болон бусад албаныхан Төв аймагт ажиллаж байна. Төсөл хэрэгжсэнээр иргэдийн нутаг орондоо ая тухтай амьдрах, үйлдвэрлэл, үйлчилгээ эрхлэх таатай нөхцөл бүрдэх юм. Одоогийн байдлаар Эрдэнэ, Баянчандмань, Батсүмбэр, Борнуур сумдын инженерийн дэд бүтцийн хангамжийн зураг төслийн ажил эхлээд байна.

 

Эх сурвалж: БХБЯам