Дорноговьд үсчин, кофе шоп зэрэг үйл ажиллагааг сэргээлээ

746


Дорноговь аймгийн Засаг даргын тамгын газраас өнөөдөр /2020.12.21/ мэдэгдэл гаргажээ. Энэхүү мэдэгдэлд, covid-19-ийн халдварын цар тахлаас урьдчилан сэргийлэх, эрсдэлийг бууруулах зорилгоор аймгийн Засаг дарга “Шинэ жилийн баяр”-ыг нийтээр тэмдэглэн өнгөрүүлэхийг хязгаарласан Монгол Улсын Засгийн газрын 171 дүгээр тогтоолыг мөрдөж ажиллахыг иргэн, аж ахуйн нэгж, байгууллагуудад үүрэг болголоо.
“Бэлэн байдлын зэрэгт шилжүүлсэн хугацааг сунгах тухай” уг захирамжаар гамшгаас хамгаалах өндөржүүлсэн бэлэн байдлын зэрэгт шилжүүлсэн хугацаа болон аймгийн хэмжээнд түр зогсоосон зарим үйл ажиллагааны хугацааг 12 дугаар сарын 21-ний өдрөөс 2021 оны 1 дүгээр сарын 6-ны өдрийн 06:00 цаг хүртэлх хугацаагаар сунгаж, хавсралтаар баталлаа. Харин аймгийн хэмжээнд зогсоогоод байсан нийтийн хоолны үйлчилгээ, кофе шоп, үсчний газрын үйл ажиллагааг сэргээж, цагийн хуваарийг 10:00-14:00 цаг, 16:00-20:00 цаг хүртэл байхаар тогтоолоо. Айраг, Замын-Үүд сумдын хувьд цар цахлын нөхцөл байдлын эрсдэлийн үнэлгээг үндэслэн зарим үйлдвэрлэл үйлчилгээг нээх эсэх талаар шийдвэр гарган, хяналт тавьж ажиллахыг эдгээр сумдын Засаг дарга нарт даалгасан байна.

скачать dle 12.0
Санал болгох
Сэтгэгдэл
АНХААРУУЛГА: Уншигчдын бичсэн сэтгэгдэлд www.Dornogovi.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.
Dornogovi.mn