Урлаг - Dornogovi.mn http://dornogovi.mn/ ru Урлаг - Dornogovi.mn DataLife Engine “Coachella 2026” наадмын голлох уран бүтээлчдийг зарлалаа http://dornogovi.mn/index.php?newsid=2269 http://dornogovi.mn/index.php?newsid=2269
Хойд Америкийн хамгийн том хөгжмийн наадам болох “Coachella” уламжлал ёсоор Калифорни мужийн Индио хотын “Empire Polo Club”-т 2026 оны дөрөвдүгээр сарын 10-12, 17-19 өдрүүдэд зохион байгуулагдахаар товлогджээ.
Ирэх жилийн headliner буюу голлох уран бүтээлчдээр хөгжмийн ертөнцөд тод гэрэлтэж буй уран бүтээлчдийн нэг Сабрина Карпентер, Латин Америкийн супер од Karol G, электро хөгжмийн төлөөлөл болсон Anyma, дэлхийн поп хөгжмийн тэргүүлэгчдийн нэг Жастин Бибер нар сонгогджээ. Цаашлаад “Bigbang”, Katseye, PinkPantheress тэргүүтэй сонсогчдын сайн мэдэх алдартнууд болон бусад олон хамтлаг, дуучид наадмын бүрэлдэхүүнд багтсан байна.
Наадмын тасалбар есдүгээр сарын 19-нд буюу энэ баасан гарагт албан ёсоор худалдаалагдаж эхлэх ба “Coachella” эхний долоо хоногийн тасалбар 649 ам.доллар, хоёр дахь долоо хоногийн тасалбар 549 ам.доллароор зарагдах юм. Харин VIP эрх нь 1,199 -1,299 ам.долларын үнэтэй худалдаалагдах аж.
]]> zulaa Sat, 20 Sep 2025 20:36:50 +0800 Бодит байдлыг харах “тусгай шил”-ээр “Stereotype” үзэсгэлэнг тольдоорой http://dornogovi.mn/index.php?newsid=2128 http://dornogovi.mn/index.php?newsid=2128
Бидний эргэн тойронд байж л байдаг сандал, ширээ, түлхүүр, хүүхдийн тоглоом... Аль хэдийнээ нүдэнд дасаж, онцгойлон “өртөхөө” ч больж, анхнаасаа ийм л байх ёстой мэт хүн бүр хүлээн зөвшөөрчихсөн. Сандал бол ийм, ширээ бол ийм. Энэ бүгд яг энэ хэвээрээ л байх ёстой гэсэн бодол. Яг ийм замаар бидний дотор хэвшмэл ойлголт буюу стереотип үүсдэг.
Өөрөөр хэлбэл, стереотип нь тодорхой бүлэг хүмүүс, үзэгдэл эсвэл юмсын талаарх өнгөц хэр нь нийтлэг ойлголттой байхыг хэлдэг. Гэхдээ эдгээр нийтлэг тодорхойлолт яагаад бий болсон, эсвэл бий болох боломжтой талаар бидний өдөр тутам хэрэглэдэг энгийн эд юмсыг төлөөлүүлэн уран бүтээлч А.Болормаа “Stereotype” үзэсгэлэндээ онцолжээ.
Энэ нь түүний эх орондоо гаргаж буй анхны бие даасан үзэсгэлэн бөгөөд ХААН галерейд 2-р сарын 15-нд нээлтээ хийсэн юм. Үзэсгэлэнд дэлгэсэн бүтээлүүдийн хувьд Монголд сүүлийн жилүүдэд тун ховор хийгдэж буй өнгөт модон бар, хулдаасан бар болон холимог техникээр бүтсэн, интерактив гэдгээрээ онцлогтой.







А.Болормаа нь СУИС-ийн Дүрслэх урлагийн академийг график зургийн чиглэлээр суралцаж төгсөн, Норвеги улсын Агдерийн их сургуульд урлаг судлалаар магистрын зэрэг хамгаалсан. Мөн Норвегийн Берген хотын Дүрслэх урлагийн академийн мэргэших сургалтад суралцан, олон төрлийн уран бүтээлийн арга техник эзэмшсэн уран бүтээлч бөгөөд 2018 онд Монголд ирснээсээ хойш Дүрслэх урлагийн академид багшаар, 2025 онд СИТИ их сургуулийн Архитектур дизайны сургуулийн График дизайны тэнхимийн эрхлэгчээр ажиллаж буй юм.
Тэрбээр үзэгчдийн оролцоотой, анаглиф арга техникийг ашиглан тогтсон стереотип, нийтлэг ойлголт, хязгаарлагдмал дүрслэлийг давсан  бодит байдал, олон талт үзэл баримтлал бий гэдгийг бүтээлээрээ дамжуулан илэрхийлэхийг зорьжээ.
Бодит байдал нь олон талт, хувь хүний онцлог, нөхцөл байдлыг агуулсныг угтаа бид дотроо мэдэж байдаг ч ихэнхдээ санаж сэрэх, мэдрэхээ умартан урагшилсаар байдаг. Зүйрлэвэл яг л энэхүү үзэсгэлэнгийн танхимд буй улаан, цэнхэр өнгийн нүдний шил зүүчхээд  тайлж бодит байдлыг харахын оронд улам бүр цааш алхах мэт. Эсвэл эсрэгээрээ бидэнд бодит байдлыг харах “тусгай шил” дутсан ч байж болох юм.
Бага насны хүүхдүүдэд үсэг цээжлүүлэхэд хэрэглэдэг зурагтай карт байдгийг та санаж байна уу? Аяганы зураг үзүүлээд аяга гэхэд ордог “А” гээд цээжилдэг. Тэгвэл тэр а үсэг ердөө л үгэнд нь байдаг л үсэг болохоос аягыг бүхэлд нь илэрхийлэхгүй шүү дээ. Энгийн нэг үсгээс гадна өөр үсгүүд нийлж байж л аягыг, шоог эсвэл морь гэсэн бүтэн утга бүтээдэг.
Юмсыг эсвэл хүмүүсийг ч гэлтгүй та өөрийгөө, бодол, мэдрэмжээ шинээр танин мэдвэл ямар сонирхолтой байх бол? Нялх хүүхэд юмс үзэгдлийг ажиглан судлан мэдэрч хүртэж байж танин мэддэгтэй адил та ч дотоод хүүхдээ сэрээн эргэн тойрноо, дэргэдэх хүмүүсээ үгүй бүр танихгүй хүмүүсийг ч, өөрийгөө ч шинээр танин мэдэх зорилгоор фильтер бүхий нүдний шилээ тайлаад юмсын жинхэнэ өнгийг харна уу.
“Stereotype” үзэсгэлэн ХААН Банк цамхгийн 3-р давхарт байрлах ХААН галерейд 2025 оны 2-р сарын 28-ныг дуустал ажлын өдрүүдэд 09:00-18:00 цагийн хооронд үнэ төлбөргүй нээлттэй бөгөөд урлаг сонирхогч та бүхнийг хүрэлцэн ирэхийг урьж байна.
]]> zulaa Tue, 25 Feb 2025 20:48:54 +0800 Энэ жилийн Үндэсний их баяр наадмын нээлтийн арга хэмжээг УГЗ Н.Наранбаатар найруулна http://dornogovi.mn/index.php?newsid=2123 http://dornogovi.mn/index.php?newsid=2123
Үндэсний их баяр наадмыг зохион байгуулах хорооны ээлжит хуралдаанаар Тулгар төрийн 2234, Их Монгол Улсын 819, Үндэсний эрх чөлөө, тусгаар тогтнолоо сэргээн мандуулсны 114, Ардын хувьсгалын 104 жилийн ойн Үндэсний их баяр наадмын нээлт, хаалтын арга хэмжээг удирдан зохион байгуулах найруулагчаар Төрийн соёрхолт, УГЗ Н.Наранбаатар ахлагчтай багийг дэмжихээр Соёл, спорт, аялал жуулчлал, залуучуудын яамнаас санал оруулж, Үндэсний хорооны гишүүдийн олонхын саналаар дэмжлээ.
Бэлтгэл ажил, гүйцэтгэлд хяналт тавих ажлын хэсгийг байгуулж, Соёл, спорт, аялал жуулчлал, залуучуудын сайд Ч.Номин ахалнаМонгол Улсын Шадар сайд С.Амарсайхан Үндэсний их баяр наадмыг зохион байгуулахдаа сүүлийн үеийн техник, технологийн дэвшлийг ашиглан олон үндэстэн, ястны түүх уламжлал, өв соёл, төрт ёсны үнэт зүйлээ олон талаас нь харуулахын зэрэгцээ шинэ хэв маяг, агуулгыг гаргахаар зорьж байна гэдгийг онцолсон. 
Тиймээс нээлт, хаалтын арга хэмжээний агуулгад онцгой анхаарч, сонирхолтой хэлбэрээр үзэгдлүүдээ бэлдэх хэрэгтэйг холбогдох албаныханд санууллаа. Өнгөрсөн жилийн баяр наадмын арга хэмжээний гүйцэтгэлд алдаа дутагдал их гарсан учраас  Үндэсний их баяр наадмыг зохион байгуулах бэлтгэл ажил, гүйцэтгэлд хяналт тавих ажлын хэсгийг байгуулж, Соёл, спорт, аялал жуулчлал, залуучуудын сайд Ч.Номин ахлахаар боллоо.
Түүнчлэн баяр наадмын нээлт, хаалтын арга хэмжээ, үндэсний бөхийн барилдааныг телевизүүдээр хэрхэн шууд дамжуулах асуудлыг судалж, дараагийн хуралдаанд танилцуулахыг холбогдох албаныханд үүрэг болголоо. Мөн Үндэсний их баяр наадмыг зохион байгуулах төсвийг эцсийн байдлаар гаргаж, төсөвт өртөгтөө багтааж зохион байгуулахыг салбар хороодын дарга нарт даалгасан. Энэ жилийн Үндэсний их баяр наадмын нээлт, хаалт, хүндэтгэлийн концертын  бэлтгэлийн явцтай зургаадугаар сарын 15-нд танилцахаар тогтлоо.
Эх сурвалж: Шадар сайдын хэвлэлийн алба
]]> zulaa Thu, 20 Feb 2025 12:36:57 +0800 “Монгол хаан” жүжиг ирэх онд Япон Улсад тоглоно http://dornogovi.mn/index.php?newsid=1973 http://dornogovi.mn/index.php?newsid=1973
Сингапурын Марина Бэй Сэндст театраас Азийн аялан тоглолтоо амжилттай эхлүүлээд буй “Монгол хаан” жүжиг ирэх онд Япон Улсад тоглохоор болжээ. “Монгол хаан” жүжгийн баг Японы соёлын тэргүүлэх компаниудын нэг Tremendous Entertainment компанитай гэрээ байгуулж, 2025 оны сумогийн Аки башё, Кюшү башё хоёрын дундуур 10-р сарын 10-20-нд Токио хотод, 10-р сарын 24-26-нд Нагояа хотод жүжгээ тоглохоор болсон байна. Саяхан тус жүжгийн уран бүтээлчид Японд тоглох бэлтгэл ажлын хүрээнд сурталчилгааны зураг авалтуудаа Фүжи уул, Асакуса зэрэг газруудад хийжээ. Олон улсын театрын урлагийн мэргэжлийн шүүмжлэгчдээс 4-5 одын үнэлгээ авсан “Монгол хаан” жүжгийн Япон дахь тоглолтын Монгол талын продюсерээр Рюүо Э.Санчирболд, Япон талын продюсерээр Tremendous Entertainment компанийн ерөнхий менежер Масаюүки Сузуки нар ажиллах аж. “Монгол хаан” жүжиг 2023 онд Лондон хотын Колизум театрт 17 удаа тоглож, 42,000 гаруй үзэгчдэд тоглолтоо толилуулсан бол энэ онд жилд 45 сая хүн зочилдог Сингапурын Марина Бэй Сэндс театрт 22 удаа амжилттай тоглож, 30,000 гаруй үзэгчдэд хүргэсэн. “Монгол хаан” жүжгийн Сингапур дахь тоглолтыг АНУ, БНХАУ, Япон, БНСУ, Турк, Арабын булангийн орнууд, Их Британи, Австрали зэрэг улсын продюсинг 10 орчим компани ирж үзэж, 2025-2026 оны аялан тоглолтын санамж бичгүүдийг үзэглэсэн. Тэгвэл энэхүү санамж бичгүүдийн дагуу Азийн аялан тоглолтын дараагийн зах зээл нь Япон боллоо. Ингэснээр эл жүжиг нь Монголын урлагийн зах зээлд олон улсаас хөрөнгө оруулалт татаж, зах зээлийн өрсөлдөх зарчмаар тоглодог жишиг болж буй юм. Мөн “Монгол хаан” комик номын япон хувилбарыг хэвлүүлж, Японы зах зээлд нэвтрэх ажил эхэлсэн байна.

]]> zulaa Sat, 30 Nov 2024 11:13:29 +0800 Дорноговийн 25 найрагчийн шилдэг 25 дууг, шилдэг 25 дуучин эгшиглүүлнэ http://dornogovi.mn/index.php?newsid=1916 http://dornogovi.mn/index.php?newsid=1916
Дорноговь аймгийн уран бүтээлчдийн “Хурмаст тэнгэр” утга зохиолын нэгдлийн 70 жилийн ойн хүрээнд Дорноговь аймгаас төрөн гарсан яруу найрагч, зохиолчдын шүлэг, дуугаар бүтсэн “Дорнын говиос Монгол эхэлдэг” хүндэтгэлийн тоглолт 2024 оны арваннэгдүгээр сарын 21-ний өдрийн 18 цагт Соёлын төв өргөөнөө өргөн олноо эгшиглэнэ.
Ноён хутагт Д.Данзанравжаагийн “Үлэмжийн чанар”-аас эхлээд Ардын уран зохиолч Б.Догмид, Төрийн соёрхолт яруу найрагч Ш.Гүрбазар, Соёлын гавьяат зүтгэлтэн яруу найрагч Л.Эрдэнэбат, дууны нэрт яруу найрагч С.Долд агсан, Соёлын гавьяат зүтгэлтэн, яруу найрагч А.Эрдэнэ-Очир агсан гээд 25 найрагчийн бүтээлийг энэ цагийн өнгийг тодорхойлж байгаа СТА дуучин Э.Төрмандах, Р.Дэлгэрмаа, Б.Батцэцэглэн, Э.Чулуунчимэг, С.Бичүү, Б.Алтанжаргал, О.Баттулга, Д.Наранхүү, Д.Амартүвшин нарын хит болсон залуу дуучид эгшиглүүлнэ.
Үүнээс гадна олон сайхан ая дуугаараа өдгөө ч ард түмний зүрх сэтгэлд эгшиглэж байгаа цагийг эзэлсэн дуучид болох Ц.Өлзий-Орших, Б.Батмэнд, С.Цогтсайхан Д.Амаржаргал нарын Монгол Улсын Гавьяат жүжигчид нэгэн цагийн дурсамж сэргээсэн Дорноговийн зохиолч, яруу найрагчдын дууг уянгалуулах юм.
Мөнхүү “Дорнын говиос Монгол эхэлдэг” тоглолтод “Саран хөхөө” театрын уран бүтээлчид болон СТА дуучин, морин хуурч Х.Данзанравжаа, Д.Анхбаяр, Ю.Энхбаатар, Б.Даваахүү, С.Ариунболд, М.Эрдэнэгомбо, Б.Жаргалбаяр нарын залуу дуучид ая дуугаа өргөх юм.
Энэхүү утга учрын хойморт “Соёмбо” хамтлаг ая дуугаа өргөх бөгөөд Төрийн шагналт, Ардын уран зохиолч, Соёлын гавьяат зүтгэлтэн Б.Догмид, Төрийн шагналт, Соёлын гавьяат зүтгэлтэн Ш.Гүрбазар, Соёлын гавьяат зүтгэлтэн Г.Мөнхцэцэг тэргүүтэй тус нутгаас төрөн гарсан зохиолч, яруу найрагчид тухалж, хууч дэлгэн, дурсамж сэргээсэн, эгшиг аялгуутай гэгээн тунгалаг үдэш болох юм.  Дорноговьчууд болон нийслэлчүүд маань энэхүү утга учир, уянгын гэгээн хойморт тухлан саатна биз ээ. Тэгэхээр Дорноговь аймгийн шилдэг 25 найрагчийн 25 дууг шилдэг 25 дуучин эгшиглүүлэх юм байна.
]]> zulaa Wed, 13 Nov 2024 12:51:45 +0800 Эгэл амьдралтай зэрэгцэн орших ер бусын ертөнц ХААН галерейд нээгдлээ http://dornogovi.mn/index.php?newsid=1901 http://dornogovi.mn/index.php?newsid=1901
Монголын нэрт сюрреалист уран бүтээлч, Соёлын гавьяат зүтгэлтэн Ц.Энхжаргал болон түүний шавь У.Батцоож нарын хамтарсан “Завсрын ертөнц” үзэсгэлэн ХААН галерейд нээгдлээ.
Нийгэм, өдөр тутмын амьдралын эгэл мөчүүдийг нарийн мэдэрч, түүнийг бүтээлдээ тусгадгаараа олонд танигдсан Ц.Энхжаргал зураач энэ удаа баяр баясал, гуниг зовлон хүний дотоод ертөнцөд хэрхэн нөлөөлж, шинэ утга, мэдрэмжийг бий болгодгийг илэрхийлэхийг зорьжээ. Хүмүүний амьдралтай зэрэгцэн орших далд ертөнцийг урлагийн хэлээр харуулсан энэхүү бүтээлүүд нь үзэгчдэд ер бусын мэдрэмж, гүн бодрол төрүүлэх нь дамжиггүй. Ц.Энхжаргалын уран бүтээлүүд нь бодит байдал болон төсөөллийн ертөнцийн заагийг илтгэдэг бөгөөд үзэгчдийг өөрийн эрхгүй дотоод сэтгэл рүүгээ гүн гүнзгий өнгийхөд хүргэдэг.
Харин У.Батцоожийн хувьд зүүдний мэт атлаа сэтгэлд ойр, энгийн боловч ер бусын хотын амьдралыг харуулсан бүтээлүүд туурвижээ. Тэрбээр Улаанбаатар хотын гадаад дүр төрхөөс илүү түүний дотоод мөн чанар, оршихуйг илэрхийлсэн бүтээлүүдээ дэлгэсэн нь үзэгчдэд параллель ертөнцөд нэвтэрч буй мэт мэдрэмж төрүүлэх аж. Мөн хотын өдөр тутмын амьдралыг хөндлөнгөөс ажиглан Улаанбаатарын гүнд нуугдсан ер бусын гоо сайхныг илэрхийлэхийг зорьсон байна. Түүний бүтээлүүд зүүд ба бодит амьдралын хил хязгаарыг бүдгэрүүлж, эдгээр хоёр ертөнцийн заагт орших мэдрэмжийг үзэгчдэд мэдрүүлэх болно.
“Завсрын ертөнц” үзэсгэлэн 2024 оны 10-р сарын 31-нийг дуустал ажлын өдрүүдэд 09:00-18:00 цагийн хооронд ХААН галерейд үнэ төлбөргүй гарч буй бөгөөд далд ертөнцийн заагт нэвтрэхийг хүссэн хүн бүхэнд нээлттэй. Та урлаг сонирхдог бол үзэсгэлэнд хүрэлцэн ирснээр өөрийгөө танин мэдэх, амьдралын утга учрыг эргэцүүлнэ гэдэгт итгэлтэй байна. Таныг завсрын ертөнцөд морилон саатахыг хүсье.
20241024163626208754-mceclip2

20241024163628891098-mceclip3

20241024163620892639-mceclip1











]]> zulaa Tue, 29 Oct 2024 11:51:53 +0800 RAIN-ийн тоглолтын тасалбар авахад 50% буцаан олголттой http://dornogovi.mn/index.php?newsid=1861 http://dornogovi.mn/index.php?newsid=1861
БНСУ-ын супер од Rain, Sandara Park, Bloo нарын тоглолтын тасалбарыг худалдан авахад 50%-ийн буцаан олголт өгнө гэвэл та итгэх үү? ХААН Банк энэхүү гайхалтай боломжийг харилцагчдадаа олгож байна.
Та тоглолтын тасалбарыг зөвхөн маргааш буюу 2024 оны 9-р сарын 10-ны өдрийн 12:00-00:00 цагийн хооронд Digi Pay аппликэйшн доторх Shoppy.mn мини апп-аар худалдан аваарай.
Буцаан олголтын нөхцөл:
  • Буцаан олголт авахын тулд Digi Pay аппликэйшн доторх “Үйлчилгээ” цэсний Shoppy.mn мини апп-аар худалдан авалт хийх шаардлагатай.
  • Нэг харилцагчид өгөх буцаан олголтын дээд хэмжээ 100,000₮ байна.
Буцаан олголтын хугацаа:
  • Буцаан олголт 2024 оны 9-р сарын 13-ны өдөр таны данс руу шилжин орно.
Digi Pay аппликэйшнийг дараах холбоосоор татаж авна уу: https://bit.ly/Digi_Pay
Санхүүгээ хэмнэхийн зэрэгцээ Солонгосын супер оддын тоглолтыг үзэх алтан боломжийг та битгий алдаарай!
Хамтын өсөлт төгөлдөр – ХААН Банк]]> khulan Mon, 09 Sep 2024 18:24:50 +0800 Зураач А.Чадраабалын “Infinite Source” үзэсгэлэн ХААН Галерейд дэлгэгдлээ http://dornogovi.mn/index.php?newsid=1856 http://dornogovi.mn/index.php?newsid=1856 ХААН Галерейд зураач А.Чадраабалын "Infinite Source" бие даасан уран бүтээлийн үзэсгэлэн нээлтээ хийлээ. Энэхүү үзэсгэлэн нь хүн төрөлхтний хувьсан өөрчлөлтийн гайхамшиг, нүүдэлчдийн ахуй соёл, уламжлал бүхий бүтээлүүдийг дэлгэн харуулж буйгаараа онцлогтой.
Удам дамжсан зураач А.Чадраабал нь уран бүтээл бүрдээ монголчуудын өв соёл, ёс заншлыг гүн гүнзгий шингээдэг ба байгаль болон эцэг малын дүр төрхийг онцгойлон харуулдгаараа олноо танигдсан юм.
"Infinite Source" үзэсгэлэнд цаг хугацаа, орон зай, технологийн хурдацтай хөгжлийн нарийн төвөгтэй шинж чанарыг оюунлаг хүн төрөлхтөнтэй зэрэгцүүлэн дүрсэлжээ. А.Чадраабал үзэсгэлэнгийнхээ талаар "Миний зургууд ухаант хүний оюуны хүчийг шинэ эринд авчран, ертөнцийн талаарх ухаарал, гэгээрэл, сансрын эрчим, гэгээн мэдрэмжийг тусган харуулахыг зорьдог" хэмээн танилцуулсан байна. Тэрээр энэхүү бүтээлүүдийнхээ санааг дэлхийг тойрон өөрийн үзэсгэлэнгүүдээ туурвих явцдаа олж нээсэн аж. Тиймдээ ч тухайн газар орны байгалийн онцлог, оршин суугчдын соёл, ёс заншлыг судлан, тэдгээрийг уран зурагтаа шингээжээ.
Энэхүү үзэсгэлэнд дэлгэгдсэн бүтээлүүд нь өнгө, хэлбэр, материалын өвөрмөц хослолыг ашиглан бүтээгдсэн нь үзэгчдийн анхаарлыг татаж байна. Зурагт дүрсэлсэн өнгөний солонгон хослол, хэлбэр дүрсний сонирхолтой зохицол нь урлаг сонирхогчдод гайхалтай мэдрэмж төрүүлж, оюун санааны эрчим хүч өгөх нь дамжиггүй.
"Infinite Source" үзэсгэлэн ХААН Банк цамхгийн ХААН Галерейд 2024 оны 8-р сарын 25-ныг дуустал ажлын өдрүүдэд 9:00-18:00 цагийн хооронд үнэ төлбөргүй нээлттэй бөгөөд урлаг сонирхогч та бүхнийг хүрэлцэн ирэхийг урьж байна.
Хамтын өсөлт төгөлдөр – ХААН Банк
]]> khulan Tue, 06 Aug 2024 17:09:16 +0800 БНХАУ-ын ӨМӨЗО-ны Хөх Хотод “СОНОС” ФЕСТИВАЛ – 2024 албан ёсоор тоглогдохоор боллоо http://dornogovi.mn/index.php?newsid=1773 http://dornogovi.mn/index.php?newsid=1773 Хөгжмийн зохиолч, дууны найруулагч, продюсер Х.Анхбаярын санаачилж буй “AAA” төслийн хүрээнд хийгдэж буй “СОНОС” ФЕСТИВАЛ – 2024 шоу тоглолт БНХАУ-ын ӨМӨЗО-ны Хөх Хотод 2024 оны зургадугаар сарын 29-30 өдрүүдэд албан ёсоор тоглогдохоор боллоо. БНХАУ-ын ӨМӨЗО Өвөр Монгол, Монгол улсын уран бүтээлчдийн хамтарсан уран  бүтээлийн “СОНОС” - 2024 төслийн үйл ажиллагаа ийнхүү албан ёсоор эхэллээ.
ФЕСТИВАЛЫН ЗОРИЛГО:
Монгол улсын уран бүтээлчдийг олон улсын уран бүтээлчидтэй хамтарсан уран бүтээл хийх, цаашлаад үндэсний өв соёлыг дуу хөгжмөөр дамжуулан дэлхийд таниулан түгээхэд эрхэм зорилго оршино. 
ААА төслийн хүрээнд Энэхүү “СОНОС” ФЕСТИВАЛ – 2024 нь БНХАУ-ын ӨМӨЗО-н Өвөрмонголын орчин үеийн хөгжмийн чиглэл хипхоп, поп чиглэлээр уран бүлээлээ хийдэг нэр хүнд бүхий залуу 9 артистыг сонгон авч Монгол улсын нэр хүндтэй 9 уран бүтээлч артисттай хамтын уран бүтээлийг орчин үеийн хөгжмийн чиглэлд нийцүүлэн хийж бүрэн клипжүүлэж олон нийтэд хүргэх мөн төслийн хүрээнд БНХАУ-ын ӨМӨЗО-ын Өвөрмонголын Хөх хотод 2024 оны 06 сарын 29-30 өдрүүдэд  “СОНОС” фестивал, задгай талбайн бүрэн хэмжээний 2 өдрийн шоу тоглолт хийгдэхээр төлөвлөгдөн ажиллаж байна.
2024.06.29 өдөр - Монгол улсын уран бүтээлчид, БНХАУ-ын ӨМӨЗО-ны уран Бүтээлчид тайзнаа хамтарсан болон тус тусын шилдэг хит уран бүтээлүүдээ толилуулна.
2024.06.30 өдөр - БНХАУ-ын орчин үеийн хип хоп уран бүтээлчид шилдэг хит уран бүтээлүүдээ толилуулна. 
“СОНОС” ФЕСТИВАЛ - 2024  зохион байгуулагдах газар: БНХАУ-ын ӨМӨЗО-ны  Хөх хотын Naobao Village Kindergarden цэцэрлэгт хүрээлэн 
“СОНОС” ФЕСТИВАЛ – 2024 төслийн хүрээнд гарах хамтарсан 9 дуунаас Монгол улс болон Хятад улсын зах зээл дээр 2 дуу албан ёсоор цацагдахад бэлэн болжээ. 
  1. “СОНОС” ФЕСТИВАЛ – 2024 хүрээнд  БНХАУ-ын ӨМӨЗО-н Өвөрмонголын орчин үеийн хөгжмийн чиглэл хипхоп, поп чиглэлээр уран бүлээлээ хийдэг нэр хүнд бүхий залуу дуучин  EILSEG, Монгол улсын орчин үеийн хөгжмийн хипхоп хөгжмийн чиглэлээр уран бүтээл туурвидаг нэр хүнд бүхий залуу уран бүтээлч SASH нарын хамтарсан “All of The Light” нэртэй уран бүтээл. 
  2. “СОНОС” ФЕСТИВАЛ – 2024 хүрээнд  БНХАУ-ын ӨМӨЗО-н Өвөрмонголын орчин үеийн хөгжмийн чиглэл хипхоп чиглэлээр уран бүлээлээ туурвидаг нэр хүнд бүхий дуучин  AXEMAN, Монгол улсын орчин үеийн хөгжмийн хипхоп хөгжмийн чиглэлээр уран бүтээл тууривдаг нэр хүнд бүхий GANGBAY хамтлагийн уран бүтээлч Баянаа нарын хамтарсан “Flowers” нэртэй уран бүтээлүүд бэлэн болж клипний зураг авалтууд хоёр улсад хийгдэж байна.
Тун удахгүй албан ёсны танилцуулга дараа дараагийн уран бүтээлчдийн нэрс уран бүтээлүүд зарлагдах юм байна. Мөн 2024.06.30 өдөр фестивалд оролцох БНХАУ-ын орчин үеийн хип хоп уран бүтээлчдийн нэрс зарлагдана.
]]> khulan Tue, 28 May 2024 17:05:31 +0800 АРХИНААС ГАРГАСАН ЧОНО 3 "ЗУУН ГУЛУУЗ" инээдмийн уран сайхны кино 𝐃𝐃𝐈𝐒𝐇, 𝐔𝐍𝐈𝐕𝐈𝐒𝐈𝐎𝐍, 𝐋𝐎𝐎𝐊𝐓𝐕 кино санд шинээр нэмэгдлээ http://dornogovi.mn/index.php?newsid=1772 http://dornogovi.mn/index.php?newsid=1772
]]> zulaa Mon, 27 May 2024 22:56:42 +0800